Mu ijoro ryo ku wa 23 Gashyantare 2026 mu Karere ka Huye habereye igitaramo cya ‘Tour du Rwanda Festival’ cyabimburiye ibindi bitegerejwe kuzengurukana n’isiganwa ry’amagare.
Iki cyari kimwe mu bitaramo bitanu biteganyijwe kubera mu turere tune tw’u Rwanda, mu gihe cya ‘Tour du Rwanda’. Kuri iyi nshuro byatewe inkunga n’ikinyobwa cya Amstel.
I Huye abahanzi barimo Symphony Band, Bushali, Bwiza, Kenny Sol na Kivumbi King nibo basusurukije abakunzi babo, mu gihe bafashwaga ku rubyiniro n’abarimo Tasha The DJ ndetse na DJ Khizbeat, mu gihe igitaramo cyo cyayobowe n’umunyamakuru Lucky.
Ruti Joel wari witezwe muri iki gitaramo ntiyacyitabiriye kuko ababitegura basanze byaba byiza habayeho kugabanya abahanzi byibuza buri umwe muri aba akazakora ibitaramo bine muri bitanu biteganyijwe, bivuze ko ahandi hose uyu musore azaba yitabiriye.
Ku wa 25-26 Gashyantare 2026 ibi bitaramo byitezwe ko bizakomereza mu Karere ka Rubavu, hakurikireho Musanze ku wa 27 Gashyantare 2026, naho tariki 1 Werurwe 2026 bisorezwe i Kigali.
Mu Karere ka Rubavu ibi bitaramo bizabera ahazwi nka Public Beach, mu gihe i Musanze bizabera mu muhanda w’ahazwi nko ku isoko rya Goico, i Kigali ho bikazabera kuri ‘rond point’ yo kuri Kigali Convention Centre.
Symphony Band niyo bafunguye urubyiniro basusurutsa abakunzi babo b'i Huye
The Major wo muri Symphony Band acuranga gitari anaririmba zimwe mu ndirimbo zabo
Abagize Symphony Band bari bamwe mu bagombaga gususurutsa abitabiriye ibi bitaramo
Abakunzi b'umuziki bageze ahabereye iki gitaramo hakiri kare
Ibyishimo byari byose ku bakunzi b'umuziki bari bagiye kwibonera abahanzi bafana
Nzeyimana Lucky niwe wari uyoboye iki gitaramo
Bushali ku rubyiniro
Bushali yakoresheje imbaraga nyinshi muri iki gitaramo
Bwiza nawe ni umwe mu bahanzi bakunzwe i Huye
Bwiza yanyujijemo azamura abasore ngo bamufashe kubyina zimwe mu ndirimbo ze z'urukundo
Ageze ku ndirimbo ye 'Best friend', Bwiza yahamagaye abafana ku rubyiniro ngo bamufashe kuririmba igitero cya The Ben
Indirimbo 'Haje gushya' ya Kenny Sol ni imwe mu zikunzwe bikomeye i Huye
Kenny Sol hari aho yageraga ukabona ko ashaka kuririmbana n'abakunzi be
Kivumbi King abafite abakunzi batari bake i Huye
Kivumbi King niwe washyize akadomo kuri ibi bitaramo
Uyu musore uri hagati yitabiriye igitaramo cya 'Tour du Rwanda Festival' acyura igare yatsindiye mu mukino w'amahirwe
